يعلم الله أنى اقدر كل من يكتب في هذا المنتدى و أعلم أن الأخوات هنا على خير إن شاء الله
و ما كتبت هذا الموضوع إلا أن قلبي يعتصر على الفتاه المسلمة و أرجو أن تنشروه قدر ما استطعتم
أمبارح كنت قاعد مع أصحابي و بنتكلم من هنا و من هناك و فتحنا موضوع النت و الحلو و الوحش
و جات سيرة انتشار صور البنات على النت و صعقت من العرفته - أنا كنت اعرف من زمان
صور البنات على النت دول أجنبيات مثلا أو بنات عرب حاطينى صورهم الشخصية على الماسنجر
او الفيس بوك ومع إن دى كارثة في حد ذاتها
لكن
الكارثة الأكبر
انتشار مقاطع فيديو و صور بلبس غير محتشم و بشكل غير لائق ( طبعا فهمين قصدي ) لبنات ولاد ناس
الحاجات دى انتشرت كده اذاى و إيه وصلها للنت ؟!!!!!!
99% منها عن طريق الموبيل
برضه مش فاهم إيه وصلها للنت ؟!!!
1- البنت بتصور نفسها و هي فاهمه ان مفيش حد بيشوف الصورة - و في يوم ما يعلم بيه إلا ربنا
التليفون أتسرق أو ضاع ( طبعا أتفتح و طلع الإبداع المتخزن عليه )
2- مجموعة بنات قعدين فى بيت واحده صاحبتهم - عادى بنات مع بعض قعدين براحتهم يبدؤوا يصوروا
بعض و كل واحده واثقة في صحبتها
هنفترض إن صحبتها أهل ثقة إلى هذا الحد
بس هل أنتى واثقة في اخو صحبتك الممكن يفتح موبيل أخته
هل انتى واثقة في صديق صحبتك ( ايا كانت العلاقه بينهم )
هل انتى واثقة كام واحد بيفتح الموبيل دا أساسا
3- واحده عايشه حياة جوليت مع روميو و طبعا هو نازل تصوير فيها و هي موافقة ما هو فارس
أحلامها ألواد المفيش منه اتنين
يصورها و بعدين يحصل حاجه من الحاجات دى
1- ينفصلوا و يطلع ندل و ينشر صورها
2- صحابه يضحكوا عليه و يشوفوا الموبيل و في لحظة البلو توث يشتغل و تبقى صورتها فى
كل مكان
3- يكون هو أساسا بيضحك عليها و بيتسلى بيها و صورها مع كل صحابه و طبيعي بعد دقايق بتبقى
على النت
4 - واحده رايحه فى فرح صحبتها أو قريبتها أو حتى أختها و طبعا الفرحة نستها نفسها و اشتغل
الرقص
قام واحد ربنا ينتقم منه من صحاب ابن خالة عم مش عارف مين قعد يصور الفرح و ركز عليها
و في لحظه يمكن حتى وهو قاعد في الفرح
كان بعتها للجامعة كلها و احتمال يعمل بث مباشر كمان
و طبع البيحصل في الفرح بيحصل في الحفلات و هكذا
5– كارثة أكبر واحد مالي الموبيل بتاعه صور مراته و فيديو قال يعنى هي مش معاه في البيت و
يقعد على القهوة
و القعدة تطول ويروح يلبى نداء الطبيعة
صحبه ياخده الفضول يلاقى صوره تعجبه يبعتها لنفسه
5 - أتنين في علاقة محرمه - مش كفاية الخيبة ألهما فيها – لأ اذاى ؟؟ لازم اللحظة التاريخية دى
تتسجل
و تنتشر و تبقى فيلم في كل المنتديات و بعد ما كانت هي بس الضايعه تضيع العيله كلها
و نلاقى بنات الإسلام و العرب في كل مكان على النت و على التليفونات و و و
أختي الكريمة
أرجوك فأنتي أختي في الله احرصي على نفسك لا تضعي صورتك أو مقطع فيديو أو تعرضي نفسك
لأن يلتقط لكي أحد المرضى النفسين منظر غير لائق
لا أدعوك لعدم الثقة في الآخرين و لكن ادعوك بأن تشعري بنفسك كم أنتي غالية
الشعرة من رأسك غالية و لا يراها إلا من يقدرها ولا يقدرها إلا زوجك
و مهما كانت ثقتك في هذا الشخص الذي يقوم بتصويرك لا تقبلي أبدا فأنت لا تضمني إلى أين ستصل هذه
الصورة و أنت الوحيدة الخاسرة في خطأ قد فعلته بحسن نية
اللهم أحفظ بناتنا و بنات المسلمين
4/10/2009, 11:38 pm
