كده هتسقط و كده هتسقط

موضوع: كده هتسقط و كده هتسقط 4/10/2009, 12:08 pm

حتسقط يعنى حتسقط يا جمعاوى!!!!!!

ده أحلى يوم في حياتي..يوم الامتحان..عارفين ليه؟؟ عشان ده اليوم اللي ببخ فيه الإجابة في الورقة بعد ما قعدت أحشي المعلومات في دماغي طول أيام المذاكرة المخنقة..لبست هدومي..وقبل أن أخرج من باب البيت..نظرت إلى الكتاب..

وقولتله: وربنا..وربنا ما حذاكرك تاني..

ثم ذهبت إلى اللجنة مسرعاً وأنا سعيد إني خلاص حفضي دماغي من مادة كاملة- طبعاً ده إن نجحت فيها إن شاء الله-وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!!

وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!..إيه ده يا واد يا جمعاوي .. معقول .. هو ده امتحان؟؟ .. مش ممكن!! .. ده امتحان محصلش في الأرجنتين.. -متسألوش اشمعنا الأرجنتين؟طبعاً عشان بحب ديفيد بيكهام- لقيت الورقة..عجيبة..غريبة..كالآتي

الاسم : .............

رقم موبيلك:...............

الإيميل:....................

السيبر المفضل:..............

السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشرب)

2- اللي بنى هرم خوفو............ ..(طلعت مصطفى - المقاولون العرب - مقاول عادي - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)

4- البرنامج اللي بيجي ع القناة الأولى كل يوم الساعة 7.00 صبتم الحزف لاسباب اداريهً ومحدش بيتفرج عليه

برنامج..صباح الخير ............ (يا ماما - يا بابا - يا خالو - يا ريس - يا مصر)

5 - مصر هى أمي نيلها جوا...........(بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك - جمال مبارك - كل ما سبق)

السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...
2- ماما زمنها............ .......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- اللي بيته من سيراميك ميحدفش الناس بالبلاط ( )

4- شاي الجوهرة حتة سكرة ( )

5- يحكم مصر النظام الملكي ( )

"ملحوظة:لو معرفتش سؤال ابقى طلع البرشام اللي معاك يا جمعاوي..غش براحتك..كده كده حتسقط يا جمعاوي عشان تحرم تقول لكتاب المادة بتاعتي كده..ماشي يا جمعاوي!!!! "

قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة اللي في آخر الورقة تاني.. وتالت ..وأنا مش مصدق إن الدكتور كاتبلي ..ماشي يا جمعاوي..ماشي يا جمعاوي-جمعاااااااااااااااوي..أنت يا وااااااااااد يا جمعاااااااااااوي قوم بقى..عشان تروح الامتحان-استيقظت من نومي..ثم نظرت حولي..إيه ده أنا لسه في البيت مرحتش اللجنة..الحمد لله كنت بحلم..ووجدت الكتاب جنبي ع السرير..فأخذته في حضني وقولتله...يا لهوي يا كتاب..بحبك يا كتاب.. بموت فيك يا كتاب.. بعشقك يا كتاب .. مقدرش أعيش من غيرك يا كتاب ..هو أنا ليا بركة ألا انت يا كتاب.

...

طبعا الموضوع منقول

عجبنى اوووووى جبتهولكم

اى خودعه

موضوع: رد: كده هتسقط و كده هتسقط 5/10/2009, 2:52 am

يسلمو على الموضوع

موضوع: رد: كده هتسقط و كده هتسقط 5/10/2009, 3:26 am

[b]انا فرحت وقلت يا بختك عالامتحان السهل اللي انت قدمتيه
ههههههه

موضوع: رد: كده هتسقط و كده هتسقط 5/10/2009, 9:17 am

ههههههههههههههههههههههههه
ميرسى يا لولو و يا نغم على الردود
و مستنيه منكم كل جديد